Elordada Elbasyna syıǵa tartylǵan zattar kórmege qoıyldy
«Búgin ashylyp otyrǵan kórmeniń saıası ǵana emes, tarıhı da mańyzy zor. Sebebi bul jaı ǵana portretter emes, ár memlekettiń Elbasyna degen qurmetiniń belgisi. Jáne ol qurmet Elbasymen qatar qazaq halqyna kórsetilip otyr. Kórmege qoıylǵan týyndylardyń júrekten shyqqanyn jáne erekshe tehnologııamen jasalǵanyn kórýge bolady. Biz halyqaralyq qurmetke qalaı jettik? Ol – Táýelsizdiktiń arqasynda kelip otyr. Táýelsizdik – bizdiń elimizdiń álem elderimen onyń ishinde damyǵan alpaýyt memlekettermen terezemizdiń teń bolýyna alyp keldi. Táýelsizdik – bizdi álemge tanymal etti, sonyń basynda bizdiń Tuńǵysh Prezıdentimiz Nursultan Nazarbaev tur», - dedi QR Parlamenti Senatynyń depýtaty Álı Bektaev kórmeniń ashylý saltanatynda.
Depýtat atap ótkendeı, Elbasynyń eńbegin qazaq halqy ǵana emes, búkil álem moıyndaıdy.
«Táýelsiz memleketti qurý ońaı sharýa emes, otbasyn qurýdyń ózi úlken jaýapkershilik. Al tutas memleketti quryp, onyń ekonomıkasyn damytyp, álem elderimen teń etý naǵyz saıasatkerdiń ǵana qolynan keledi. Biz táýelsizdik alǵan kezde biraz qıyndyqty bastan keshtik, eldiń ekonomıkasy, áleýmettik jaǵdaıy sol qıyndyqtardy eńsere bildi. Búginde Qazaqstan bolashaǵy jarqyn, álemge tanymal el. Bul tolassyz jáne baǵa jetpeıtin eńbektiń arqasynda iske asyp otyr», - deıdi ol.
QR Tuńǵysh Prezıdenti – Elbasy kitaphanasynda ashylǵan kórmege tastan, shynydan, balyq terisinen, tas úgindisinen, tabıǵı teńiz qumynan, áshekeıli jipten, kúrishten, tarydan, farfordan taǵy basqa ónimderden jasalǵan Elbasynyń portretteri men zattar qoıylǵan.
Sondaı-aq, kórme Elbasy kitaphanasynyń mýzeı kollektsııasyndaǵy beıneleý óneri zattary men ydys-aıaqtar jınaqtarynyń «Portretter» taqyryptyq tobynan daıyndalyp otyr.
