Elordada «El ishi - óner kenishi» respýblıkalyq televızııalyq halyq shyǵarmashylyǵynyń baıqaýy ótedi
ASTANA. 30 qazan. QazAqparat - Búgin Astana qalasynyń «Kongress Holl» saraıynda «El ishi - óner kenishi» atty respýblıkalyq televızııalyq halyq shyǵarmashylyǵy baıqaýynyń gala-kontserti ótedi.
Uıymdastyrýshy - Qazaqstan Respýblıkasynyń Mádenıet jáne aqparat mınıstrligi.
Baıqaýǵa elimizdiń barlyq aımaqtarynyń jáne Almaty, Astana qalalarynyń sheberleri jáne úzdik ujymdary qatysady. Baıqaýdyń irikteý kezeńi barlyq oblystarda ótti.
Baıqaýdyń maqsaty men mindetteri: 1) jańa daryndardy anyqtaý jáne talanttarǵa, ózindik erekshelikteri bar shyǵarmashylyq ujymdar men oryndaýshylarǵa qoldaý kórsetý; 2) talantty adamdarǵa qoldaý kórsetýge jáne olardyń shyǵarmashylyq qabiletin damytýǵa jaǵdaı jasaý; 3) turǵyndardyń jalpy mádenı deńgeıin kóterý; 4) turǵyndardyń mádenı bos ýaqytyn jáne estetıkalyq tárbıe alýyn uıymdastyrý; 5) mádenı aýmaqtaǵy memlekettik saıasatty júzege asyrý; 6) Qazaqstan halqy mádenıetin jandandyrý, saqtaý, damytý jáne taratý; 7) jastardyń ultjandylyq tárbıe alýyna, olardyń ulttyq jáne álemdik mádenıet qundylyqtarymen tanysýyna yqpal etý.
Baıqaýdyń gala-kontserti aldynda, saǵat 18:30-da «Kongress Holl» saraıynyń kireberisinde ár óńirdiń qolóner sheberleriniń kórmesi ótedi. Kórmede aımaqtardyń erekshe mádenıetine, ónerine jáne dástúrlerine tán asyl buıymdar kórermen nazaryna usynylady.
