Elordada ekstremıstik kitaptar oqyǵan 200-den astam adam ustaldy
ASTANA. 19 shilde. QazAqparat /Marlan Jıembaı/ -11-16 shilde aralyǵynda elorda aýmaǵynda «Barer» jedel aldyn alý is-sharasy ótkizildi.
Bul týraly búgin Astana qalalyq ishki ister departamentiniń Tergeý basqarmasy bastyǵynyń orynbasary Talǵat Jumanov málim etti.
Onyń atap ótýinshe, dinı-ekstremıstik áreketke qatysy bar tulǵalardy aıqyndaý maqsatynda ótkizilgen is-shara barysynda ishki ister organdaryna 243 adam jetkizilip, 172 tulǵa «Obraz+» esebine qoıylǵan. Sondaı-aq 66 adam «Ekstremızm» jedel esebine alynǵan.
T.Jumanovtyń sózine qaraǵanda, ustalǵan azamattardan ekstremıstik mazmundaǵy dinı kitaptar tárkilengen. «Olardyń tarapynan belsendi is-áreketter bolǵan joq, bolǵan jaǵdaıda jaýapkershilikke tartar edik. Qazirgi ýaqytta is-shara jalǵasýda jáne de biz buǵan basa nazar aýdaramyz», - dedi ol.
