Elordada ekspress-baǵyttaǵy avtobýstarda jeńildetilgen jol júrý aqysy engizildi
ASTANA. QazAqparat - Astana qalasynyń Jolaýshylar kóligi jáne avtomobıl joldary basqarmasynyń habarlaýynsha, qoǵamdyq kóliktiń ekspress-baǵyttarynda (№ 52e, 53e jáne 54e avtobýstarynda) jekelegen turǵyndar úshin jeńildikter engizildi, dep habarlanǵan elorda ákimdiginiń resmı saıtynda.
2014 jylǵy 23 jeltoqsannan bastap jeńildikpen jol júrý múmkindigine qatysty ótinish-tilekterdiń kóp bolýyna baılanysty tıisti sanatqa jatatyn azamattar úshin jolaqy qunyna 50% (60 teńge) jeńildik jasalady. Qoǵamdyq kólikterdiń ekspress-mashrýttarynda 50 paıyzdyq jeńildik kelesi sanattarǵa jatatyn azamattar tıisti kýáligin kórsetken jaǵdaıda júzege asyrylady: - UOS ardagerleri jáne olarǵa teńestirilgen tulǵalar; - І, ІІ jáne ІІІ toptaǵy múgedekter; - kóp balaly otbasylar; - kóp balaly analar; - jasy men eńbek etken jyldaryna qaraı zeınetke shyqqandar.
