Elordada ekspress avtobýstar nelikten júrmeı ketti
ASTANA. QazAqparat – Elordada ekspress avtobýstar tıimsiz boldy. Bul týraly «№1 Avtobýs parki» AQ basqarma tóraǵasy Medet Shaqaev aıtty, dep habarlaıdy QazAqparat tilshisi.
Búgin Astana qalasynyń kommýnıkatsııalar qyzmetindegi baspasóz máslıhatynda osydan birneshe jyl buryn qala kóshelerinde júrgen ekspress avtobýstardy qaıta jolǵa shyǵarý múmkindigi týraly suraq qoıyldy.
«2018 jyly Astanada ekspress-baǵdarlar boldy jáne olar boıynsha avtobýstar júrdi. Bul avtobýstardaǵy jol aqysy qalalyq ózge baǵdarlardan joǵary boldy. Soǵan qaramastan, ekspress avtobýstar tıimsiz ekenin atap ótken jón. Sebebi qala turǵyndary bul avtobýstarmen kóp júre bermeıtin. Sondyqtan osy ekspress-baǵdarlar toqtatyldy», - dedi M. Shaqaev.
Buǵan deıin qalaǵa 400-ge jýyq avtobýs jetispeıtini habarlanǵan edi.
Elordada avtobýstar qozǵalysynyń ýaqyt aralyǵy 10-20 mınýttan 8-10 mınýtqa deıin qysqartylmaq.
Astanada jolaýshylardyń tek jartysy jol aqysyn tólemeı júretini de belgili boldy.
