Elordada eki júk kóligi soqtyǵysty
NUR-SULTAN. QazAqparat - Elordada eki júk kóligi soqtyǵysty. Bul aqparatty Nur-Sultan qalalyq Polıtsııa departamentinen málim etti, dep habarlaıdy QazAqparat tilshisi.
Vedomstvo aqparatyna sáıkes, osy jyldyń 25 tamyzynda saǵat shamamen 13-30-da 30 jastaǵy júrgizýshi basqaryp kele jatqan «HOWO» markaly avtokólik Qyrqynshy stansa jaqtan Pavlovka eldi mekenine qaraı kele jatyp, eki aınalma joldyń qıylysynda Nur-Sultan-Qaraǵandy joly jaqtan Alash tas jolyna qaraı kele jatqan «Kamaz» kóligimen soqtyǵysqan.
«Soqqynyń saldarynan «Kamaz» qarama-qarsy baǵytta kele jatqan «VOLVO» markaly kóligine baryp soǵylǵan. Ol kólikti 63 jastaǵy júrgizýshi basqaryp kele jatqan. «HOWO» avtokóligi kommýnaldyq aıyp turaǵyna qoıyldy, tergeý júrgizilip jatyr», - dedi departamentten.
