Elordada eki jasar sábı káriz qudyǵyna túsip ketti
NUR-SULTAN. QazAqparat – Elordada eki jasar sábı káriz qudyǵyna túsip ketti, dep habarlaıdy QazAqparat tilshisi.
Telegram-daǵy Astanovka98 paraqshasy taratqan málimetke sáıkes, oqys oqıǵa Mınıstrlikter úıi aıaldamasy janynda oryn alǵan. Besik arba súıretken anasymen qatar kele jatqan sábı káriz qudyǵynyń qaqpaǵynyń ústimen ótip bara jatqanda ol ashylyp ketip, ishine túsken. Oqys oqıǵaǵa kýá bolǵan azamattyń biri qudyqtyń ishine túsip, sábıdi alyp shyqqan.
Nur-Sultan qalalyq qoǵamdyq densaýlyqty saqtaý basqarmasy sábıge qajetti kómek kórsetilip, ambýlatorlyq em alýǵa jiberilgendigin habarlady.
«Búgin travmatologııalyq pýnktke 2020 jyly dúnıege kelgen sábı túsip, ony neırohırýrg pen travmatolog qarady. Bala qaraǵan kezde es-túsin biledi, mazasyz emes. Oǵan qajetti barlyq kómek kórsetildi. Synǵan jeri joq, mıy shaıqalmaǵan. Keńes berildi. Qazirgi ýaqytta bala ambýlatorlyq em alýǵa jiberildi», - dedi departamentten.
Foto: t.me/astanovka98
