Elordada eki jasar bala 5-shi qabattaǵy terezeden qulap ketti
ASTANA. QazAqparat - Astanada eki jasar bala 5-shi qabattaǵy terezeden qulap ketti, dep habarlady elordalyq ІІD-niń baspasóz qyzmetinen.
«Búgin saǵat 16.00-de polıtsııaǵa besinshi qabatta ornalasqan páter terezesinen 2 jasar balanyń qulap ketkeni týraly habarlama tústi. Búldirshin tereze toryna súıenemin dep tómen qulaǵan. Bala aýyr jaraqattarmen medıtsınalyq mekemege jetkizildi», - delingen habarlamada.
Ótken jyly Astanada osyǵan uqsas 16 jaǵdaı tirkeldi.
«Terezeden qulaý balalardyń jaraqat alýynyń negizgi sebebine aınalýda. Kóp jaǵdaıda jazataıym oqıǵalar shybyn-shirkeıden qorǵaıtyn osy torlarǵa baılanysty oryn alady. Olar balalardy qulaýdan qorǵaı almaıdy! Moskıtti torǵa súıengen bala, onymen birge jerge qulaıdy», - delingen habarlamada.
Qaıǵyly oqıǵalardy boldyrmas úshin terezege bala ózdigimen asha almaıtyn buǵattaýyshtar ornatý qajet. Budan basqa, jıhazdardy da terezeden alysyraq qoıǵan jón.
