Elordada eki velosıpedshini kólik qaǵyp ketti
ASTANA. QazAqparat - Astana qalasynyń Іshki ister departamentinen eki velosıpedshini kóliktiń qalaı qaǵyp ketkeni týraly málim etti, dep habarlaıdy QazAqparat tilshisi.
«23 maýsym kúni 33 jastaǵy qala turǵyny Saýran men Dostyq kóshesiniń qıylysynda «Deý Matıs» markaly avtokólikti júrgizip kele jatyp, retteýshiniń tyıym salý týraly ısharasyn esepke almaı, qıylysqa shyǵyp ketken. Osydan keıin ol eki velosıpedshini qaǵyp ketken. Zardap shekkender medıtsınalyq mekemege jetkizilip, tekseristen keıin úıine jiberildi», - dedi ІІD-niń baspasóz qyzmetinen.
Qazirgi ýaqytta polıtsııa qyzmetkerleri anyqtaý jumystaryn júrgizip jatyr. Qajetti saraptamalar taǵaıyndalǵan.
