Elordada eki turǵyn úı alaby jaryqsyz qaldy
ASTANA. QazAqparat - Astanada «Úrker» turǵyn úı alaby men «Jaǵalaý» yqsham aýdanynyń turǵyndary jaryqsyz otyr, dep habarlaıdy «QazAqparat» HAA Esil aýdany ákiminiń apparatyna silteme jasap.
«Búgin 05:16-da «Ilınkada» vakýýmdyq sóndirgish apattyq jaǵdaıda sóndi. «Úrker» turǵyn úı alaby jaryqsyz otyr. «Astana óńirlik elektr jelileri kompanııasy» AQ jedel brıgadasy oqıǵa ornynda jumys júrgizip jatyr», - delingen aýdan ákimdiginiń habarlamasynda.
Budan tys, búgin saǵat 10:00-de taǵy bir stansada apat bolyp, «Jaǵalaý-3» yqsham aýdany men №71 mektep elektrden úzilgen. «Astana ÓEK» AQ-nyń jedel brıgadasy birer saǵattarda apat saldaryn joıyp, elektrmen qamtýdyń rezervtik jelisin qosýǵa ýáde berip otyr.
