Elordada eki kúnde mas kúıde kólik júrgizgen 23 júrgizýshi ustaldy
NUR-SULTAN. QazAqparat – Nur-Sultan qalasynyń tártip saqshylary eki kúnniń ishinde mas kúıde kólik júrgizgen 23 júrgizýshini ustady, dep habarlaıdy QazAqparat tilshisi qalalyq polıtsııa departamentiniń baspasóz qyzmetine silteme jasap.
Ótken aptada senbi kúni túnde Jumabaev kóshesinde tártip saqshylary «BMW» markaly avtokólikti toqtatqan. Atalǵan kóliktiń júrgizýshisin qujattaryn tekserý kezinde 25 jastaǵy jigitten ishimdiktiń ıisi sezilgen. Kólik júrgizýden ony shektegen jol polıtseıleri jas jigitti medıtsınalyq kýálandyrýdan ótkizýdi usynǵan. Dáriger-narkolog onyń jeńil dárejede mas bolǵanyn anyqtaǵan.
Ustalǵan azamattyń ústinen Ákimshilik kodekstiń 608-baby 1-bóligi boıynsha qylmytsyq is qozǵalyp, onyń kóligi aıyp turaǵyna jetkizildi. Ákimshilik sottyń sheshimimen mas kúıde kólik tizgininen otyrǵan jas jigit 15 táýlikke qamalyp, 7 jyl boıy kólik júrgizý quqyǵynan aıyryldy.
«Jol apattarynyń aldyn alý úshin elordalyq polıtseıler jol erejelerin buzý faktilerine basa nazar aýdarýda. Osy maqsatta departament «Mas júrgizýshi – qylmysker» jedel aldyn alý sharalaryn turaqty túrde ótkizedi», - dep habarlaıdy departamentten.
Polıtsııa qyzmetkerleri kólikti mas kúıde júrgizgen azamattardy kórgen adamdarǵa 102 nemese 71-65-25 nómirine habarlasýdy suraıdy.
