Elordada eki kóshe 31 shildege deıin jartylaı jabylady
NUR SULTAN. QazAqparat – Elordadaǵy Arnasaı jáne Jańa áýejaı kósheleri 31 shildege deıin jartylaı jabylady, dep habarlaıdy QazAqparat qala ákimdiginiń resmı saıtyna silteme jasap.
Ortasha jóndeý aıasynda Arnasaı kóshesinde Qabanbaı batyr dańǵylynan Jańa áýejaı kóshesine deıin jol-qurylys jumystaryn júrgizý josparlanýda. Sondaı-aq Jańa áýejaı kóshesinde Qabanbaı batyr dańǵylynan Arnasaı kóshesine deıingi ýchaskede de jóndeý jumystary júrgiziledi. Osyǵan baılanysty 22-31 shilde aralyǵynda qozǵalysty ishinara jabý josparlanýda.
«Keltirilgen qolaısyzdyqtar úshin keshirim ótinemiz jáne jóndeý jumystaryna túsinistikpen qaraýdy suraımyz», – dep habarlady qalalyq kólik jáne jol-kólik ınfraqurylymyn damytý basqarmasy.
