Elordada eki kólik soqtyǵysyp, júrgizýshi men jolaýshy jaraqat aldy
NUR-SULTAN. QazAqparat – Elordadaǵy Saýran kóshesinde jol-kólik oqıǵasy boldy, dep habarlaıdy QazAqparat tilshisi.
«24 qyrkúıek kúni shamamen túngi saǵat 23:40-ta Volkswagen Polo markaly kólik júrgizýshisi Saýran kóshesi boıymen Almaty kóshesinen Syǵanaq kóshesine bara jatqanda qarsy baǵyttaǵy jolǵa ótip ketken. Saldarynan Toyota markaly kólikpen soqtyǵysyp qalǵan», - deıdi Nur-Sultan qalalyq polıtsııa departamentiniń ishki jáne syrtqy kommýnıkatsııa baspasóz qyzmeti.
Jol apatynan ártúrli dene jaraqatyn alǵan júrgizýshi men kólikte otyrǵan jolaýshy aýrýhanaǵa jetkizildi. Baspasóz qyzmetiniń habarlaýynsha, qazirgi ýaqytta jol apatyna qatysty tekseris júrgizilip jatyr.
