Elordada eki kólik soǵysyp, aýdarylyp qaldy
ASTANA. QazAqparat – Elordada kóshe boıynda soǵysqan eki kólik te aýdarylyp qaldy, dep habarlaıdy QazAqparat tilshisi.
Astana qalalyq polıtsııa departamentiniń málimetinshe, búgin saǵat 09:46 shamasynda «Toıota» kóligin tizgindegen 23 jastaǵy júrgizýshi Qordaı kóshesi jaqtan Momyshuly dańǵylymen kele jatyp, Abylaıhan dańǵylynyń qıylysynda «Chevrolet Cobalt» markaly kólikpen soqtyǵysqan. Sonyń saldarynan eki kólik te aýdarylyp qalǵan.
«Jol-kólik oqıǵasy saldarynan «Chevrolet Cobalt» kóliginiń júrgizýshisi men «Toıota» kóliginiń jolaýshysy dene jaraqatyn aldy. Olar dárigerdiń tekserýinen keıin úılerine jiberildi. Medıtsınalyq kýálandyrý nátıjesinde «Toıota» kóliginiń júrgizýshisi jeńil dárejede alkogolge mas bolǵany anyqtaldy. Atalǵan fakti boıynsha tergeý júrip jatyr», - dedi vedomstvodan.
