Elordada eki qabatty úı órtenip, bir adam zardap shekti
NUR-SULTAN. QazAqparat - Elordanyń Saryarqa aýdanyna qarasty Medeý kóshesinde qos qabatty jatahana órtenip, áıel adamdy kúıik shalǵan, dep habarlaıdy QazAqparat tilshisi.
Oqıǵa keshki saǵat 20.00 shamasynda bolǵan. Órt sóndirýshiler kelgende jataqhananyń shatyry janyp jatqan. Qyzyl jalyn jataqhanaǵa japsarlas turǵan úıge de jaıyla jazdaǵan.
«Saǵat 20.12-de órt aýyzdyqtalyp, 20.45-te tolyq sóndirildi. Jalpy aýdany 100 sharshy metr aýmaq órtendi. Kúıik shalǵan 1977 jyly týǵan áıel aýrýhanaǵa jatqyzyldy. Jalyndy aýyzdyqtaýǵa elordalyq tótenshe jaǵdaılar departamentinen 23 qyzmetker men 6 tehnıka jumyldyryldy. Órttiń shyǵý sebebi anyqtalýda», - delingen tótenshe jaǵdaılar komıteti taratqan aqparatta.
