Elordada eki qabatty úı órtendi
NUR-SULTAN. QazAqparat - Elordadanyń Esil aýdany aýmaǵynda eki qabatty kottedj órtendi, dep habarlaıdy QazAqparat QR ІІM TJK resmı ókili Nursultan Nurahmetke silteme jasap.
«16 sáýirde saǵat 15:53-te Nur-Sultan qalasy TJD pýltine Esil aýdanyndaǵy Úrker yqsham aýdanynda eki qabatty kottedjdegi órt týraly habar kelip tústi. Órt sóndirý bólimsheleri kúshimen tilsiz jaý saǵat 16:32 shamasynda aýyzdyqtalyp, saǵat 17:01-de tolyqtaı óshirildi», - dedi Nursultan Nurahmet.
Belgili bolǵandaı, órt 200 sharshy metr aýmaqty sharpyǵan. Zardap shekkender joq. Qazirgi kezde jeke turǵyn úıde qyzyl jalynnyń ne sebepti taralǵany anyqtalýda. Órtti sóndirýge jeke quramnyń 22 qyzmetkeri jumyldyryldy.
