Elordada eki qabatty avtobýspen 5 myńnan astam týrıst serýendedi
ASTANA. QazAqparat - Sáýir aıynan bastap elordanyń kórikti jerlerin jaıly ekskýrsııalyq avtobýstar terezesinen 5 myń qonaq tamashalady, dep málim etti «Astana Konvenshn Bıýro» JShS-nyń bas menedjeri Aınur Janábilova.
Saıahat baǵyty aldyn ala belgilenetindikten, al bıletter bir kún boıy jaramdy bolǵandyqtan týrıster kez kelgen aıaldamada aıaldaı alady .
«Ekskýrsııalyq avtobýstyń ereksheligi ol Hop-On Hope-Of júıesi boıynsha jumys isteıdi. Bul degenińiz - týrıst bıletti satyp alyp, kez kelgen ýaqytta baǵyt aıaldamalarynan shyǵyp, qalanyń kórikti jerlerimen jan-jaqty tanysa alady. Odan keıin avtobýs kelgende saıahatshylar qosymsha bılet satyp almaı-aq ary qaraı saparyn jalǵastyra beredi», - dep habarlady A.Janábilova.
Qyzyl avtobýstar Astananyń aıtýly jerleri týraly aqparatty qulaqqap arqyly tyńdaýǵa múmkindik beretin aýdıo júıemen jabdyqtalǵan. Bıyl aýdıoekskýrsııalar alty tilde qoljetimdi boldy: qazaq, orys, aǵylshyn, qytaı, nemis, túrik tilderinde.
