Elordada eki aıda paıdalanýǵa 1395 páter berildi
ASTANA. 14 naýryz. QazAqparat - 2013 jyldyń qańtar-aqpan aılarynda turǵyn úı qurylysyna baǵyttalǵan ınvestıtsııa kólemi - 5085,1 mln.teńge boldy. Bul 2012 jyldyń qańtar-aqpan aılarymen salystyrǵanda 107,7 paıyzǵa artyq. Bul týraly astana.kz saıtyna qalalyq Statıstıka departamentinen málim etti.
2013 jyldyń alǵashqy eki aıynda elordada paıdalanýǵa 1395 páter berildi. Departamenttiń málimeti boıynsha, berilgen turǵyn úılerdiń jalpy kólemi 139889 sharshy metr.
Sonymen qatar vedomstvodan habarlaǵanyndaı, jeke úı salýshylar jalpy kólemi 13027 sharshy metr úı turǵyzǵan. Bul 2012 jylǵy qańtar-aqpan aılaryndaǵy deńgeıden 123,9 % artyq. Al jeke turǵyn úı salýshylardyń úlesi paıdalanýǵa berilgen úıde 9,3 %-dy qurady. 2012 jylǵy osy kezeńde ol 3,1 % bolatyn.
Elordada 2013 jyldyń qańtar-aqpan aılarynda salynǵan turǵyn úıdiń jalpy 1 sharshy metriniń naqty baǵasy orta eseppen 89,7 myń teńge bolsa, paıdaly alańynyń ortasha 1 sharshy metriniń naqty baǵasy 117,4 myń teńge kóleminde.
