Elordada eki adamdy qaǵyp ketken «Kia» júrgizýshisi qamaýǵa alyndy
NUR-SULTAN. QazAqparat – Elordada eki jaıaý júrginshini qaǵyp ketken «KIA» avtokóliginiń júrgizýshi qamaýǵa alyndy, dep habarlaıdy QazAqparat Nur-Sultan qalalyq Polıtsııa departamentiniń baspasóz qyzmetine silteme jasap.
Buǵan deıin habarlanǵandaı, 31 qazan kúni saǵat 13:33-te «Kia» markaly avtokóliktiń 22 jastaǵy júrgizýshisi Ýálıhanov kóshesiniń boıymen kele jatyp, qarsy baǵytqa shyǵyp ketken. Onda joldan ótip bara jatqan eki jaıaý júrginshini qaqqan. Keıin ınertsııamen «Lada» kóligimen soqtyǵysqan.
Jol-kólik oqıǵasy saldarynan 60 jastaǵy jaıaý júrginshi alǵan jaraqatynan oqıǵa ornynda kóz jumdy.
Atalǵan fakti boynsha QR QK 345-baby boıynsha sotqa deıingi tergeý amaldary júrgizilip jatyr.
«Kia» júrgizýshisi ustalyp, Nur-Sultan qalasynyń PD ýaqytsha ustaý ızolıatoryna qamaldy.
