Elordada eki adam órtten mert boldy
NUR-SULTAN. QazAqparat - Búgin elordada 5-qabatty turǵyn úıden shyqqan órtten 2 adam qaza tapty, dep habarlaıdy QazAqparat tilshisi.
Nur-Sultan qalalyq tótenshe jaǵdaılar departamentiniń málimetinshe, Kravtsov kóshesi 2/1 meken jaıda órt shyqqany týraly aqparat órt sóndirý bólimshesinesaǵat 17-09-da kelip túsken. Órt sóndirýshiler oqıǵa ornyna jetken kezde 5 qabatty turǵyn úıdiń sońǵy qabatyndaǵy páterlerdiń birinde úı buıymdary men turmystyq tehnıkalardyń 10 sharshymetr aýmaqta órtenip jatqany anyqtalǵan.
Saǵat 17-56-da órttiń aldy alynyp 18-08-te tolyqtaı óshirilgen. Órt sóndirý barysynda oqıǵa ornynan 1949 jyly dúnıege kelgen áıeldiń jáne 1977 jyly dúnıege kelgen er adamnyń órtengen múrdesi tabyldy.
Órt sóndirý jumysyna Tótenshe jaǵdaı departamentiniń 14 mamany men 3 tehnıkasy, sonymen qatar Polıtsııa departamenti men jedel járdem qyzmetiniń qyzmetkerleri jumyldyryldy. Aldyn ala málimetterge qaraǵanda, órt temeki tuqylyn óshirmeý saldarynan oryn alǵan.
