Elordada Egov tsıfrlyq buryshtary memlekettik uıymdarda iske qosyldy
Mundaı buryshtarda kompıýteri nemese ınternetke kirý múmkindigi joq azamattar memlekettik qyzmetterdi óz betinshe onlaın ala alady. Qyzmet alýshylardyń suraqtary týyndaǵan jaǵdaıda, buryshtardyń janynda Memlekettik korporatsııanyń qyzmetkerleri olarǵa keńes bere alady.
Buryshtar aýdandyq ákimdikterdiń, memlekettik kirister basqarmalarynyń ǵımarattarynda, «Januıa» otbasyn qoldaý ortalyǵynda jáne «Saryarqa» SOO aýmaǵynda ornalasqan. Bul turǵyndardyń kópshiligin elektrondyq memlekettik qyzmettermen qamtýǵa múmkindik beredi jáne HQKO janyndaǵy ózine-ózi qyzmet kórsetý aımaǵyna júginýshilerdiń júktemesin azaıtady.
«Bizdiń tsıfrlyq buryshtarymyz HQkO-larda adamdardyń kóptep jınalýyn boldyrmaý úshin jasalynǵan. Pandemııa jaǵdaıynda, klıentterdi qabyldaý tek bron arqyly júzege asyrylatyn bolsa, Egov tsıfrlyq buryshtary qandaı da bir sebeptermen kompıýterge kire almaıtyn adamdarǵa memlekettik qyzmetterdi alýǵa kómektesedi. Bul óte yńǵaıly. Sonymen qatar, qazir joǵary oqý oryndaryna túsý kezeńi. Sondyqtan biz joǵary oqý oryndarynyń aýmaǵynda tsıfrlyq buryshtardy iske qosýdy da josparlap otyrmyz», – dedi «Azamattarǵa arnalǵan úkimet» memlekettik korporatsııasynyń elordalyq fılıalynyń dırektory Mádı Sadanov.
Nur-Cultan qalasyndaǵy egov buryshtarynyń mekenjaılary:
«Esil» aýdany ákiminiń apparaty» MM, Qabanbaı batyr dańǵyly, 33
«Almaty» aýdany ákiminiń apparaty» MM, Táýelsizdik dańǵyly, 7
«Baıqońyr» aýdany ákiminiń apparaty» MM, Otyrar k-si, 5
«Saryarqa» aýdany ákiminiń apparaty» MM, Saryarqa dańǵyly, 13
Esil aýdany boıynsha Memlekettik kirister basqarmasy, Qabanbaı batyr dańǵyly, 33
Almaty aýdany boıynsha Memlekettik kirister basqarmasy, Ahmet Jubanov k-si, 16
Baıqońyr aýdany boıynsha Memlekettik kirister basqarmasy, Sháken Aımanov k-si, 6
Saryarqa aýdany boıynsha Memlekettik kirister basqarmasy, Respýblıka dańǵyly, 52
«Januıa» otbasyn qoldaý ortalyǵy «Marden» BO, Beıbitshilik, 14
«Saryarqa» saýda oıyn-saýyq ortalyǵy, Turan dańǵyly,24, 2 qabat