Elordada egizderge bir balabaqshaǵa oryn tańdap beretin júıe iske qosyldy
«Ata-analar bizge balabaqshaǵa barýdaǵy keıbir problemalardy anyqtaýǵa kómektesti. Solardyń biri egiz balalarǵa arnalǵan oryndar bolatyn. Buryn egizderge oryndy jeke-jeke izdeý kerek bolatyn. Sondyqtan bir balabaqshaǵa jáne bir topqa joldama alý múmkin bolmady. Endi, eger sizdiń jeke kabınetińizde egiz balanyń kezekte turý boıynsha birneshe ótinish bolsa, júıe ony anyqtaýǵa kómektesedi», - deıdi M.Bekturova.
Atap aıtqanda, e.astana.kz saıtynda balalaryńyzdyń birine joldamany rásimdeısiz, al baǵdarlama egizdiń ekinshisine oryn tabýǵa kómektesedi.
Bul qalaı jumys isteıdi?
• Birinshiden, baǵdarlama sol topta oryn tabýǵa tyrysady.
• Eger ol bolmaı qalsa, júıe basqa toptarda da izdep kóredi.
• Eger oryndar jetkiliksiz bolsa, onda izdeý nátıjesi sátsiz bolǵandyǵy týraly málimet beriledi.
• Eger ótinish berýshi júıe tańdaǵan oryndarǵa qanaǵattansa, onda ol tańdaýdy rastaıdy nemese odan bas tarta alady. Rastaǵan jaǵdaıda «joldamany alý» túımesi basylyp, júıe egizderge dereý joldama beredi.
