Elordada Djanlýka Espozıtomen jemqorlyqqa qarsy is-qımyldyń yntymaqtastyǵy talqylandy
«Djanlýka Espozıto tsıfrlyq HQKO, kedendik rásimdeý, «Antikor ortalygy» servıstik ortalyqtary men Joǵarǵy sottyń ahýaldyq ortalyǵyna, sonymen qosa «iKomek» ortalyǵyna baryp, memlekettik organdardyń tsıfrlandyrý deńgeıine tańdanys bildirdi jáne tsıfrlandyrýdyń sybaılas jemqorlyqty tómendetý tásiliniń biri ekenin atap ótti», - delingen Sybaılas jemqorlyqqa qarsy is-qımyl agenttiginiń málimetinde.
Mártebeli qonaq «Antikor ortalygy» aralaý barysynda Sybaılas jemqorlyqqa qarsy qyzmettiń Nur-Sultan qalasy boıynsha departamentiniń «open space» formatyna tolyq kóshýin joǵary baǵalady.
«Aıqyndyq formatyna kóshý týraly sheshim tek ashyqtyqtyń ǵana kórsetkishi emes, ózge quqyq qorǵaý organdaryna úlgi bola alady», - dedi Dj.Espozıto.
Sonymen qatar, búgin Sybaılas jemqorlyqqa qarsy is-qımyl agenttiginiń tóraǵasy Alık Shpekbaev quziretti memlekettik organdardyń ókilderiniń qatysýymen SJQMT Atqarýshy hatshysymen kezdesti.
Sybaılas jemqorlyqqa qarsy qyzmet basshysy Qazaqstannyń SJQMT-ǵa qosylýyna kórsetken qoldaýy úshin alǵys bildirip, eldiń jemqorlyqqa qarsy sońǵy bastamalary týraly aıtyp berdi.
«Uıymǵa múshelik Qazaqstannyń sybaılas jemqorlyqqa qarsy zańnamasy men eldiń quqyq qorǵaý jáne basqa memlekettik organdary qyzmetiniń tájirıbesin ári qaraı jetildirýge serpin beretinine senim bildiremin», - dep atap ótti Alık Shpekbaev.
Ol bizdiń elge sheteldik seriktestermen tıimdi yntymaqtastasýǵa múmkindik beretin sybaılas jemqorlyq úshin qylmystyq jaýapkershilik týraly Eýropalyq Keńestiń Konventsııasyna qosylý jáne ony tez arada ratıfıkatsııalaýdyń aıtarlyqtaı qyzyǵýshylyq týdyratynyna nazar aýdardy.
Eske sala keteıik, jemqorlyqqa qarsy memleketterdiń ımmýnıtetine qatysty kelisim ratıfıkatsııalandy.
Budan buryn habarlanǵandaı, Qazaqstan Eýropa keńesiniń Sybaılas jemqorlyqqa qarsy memleketter toby (GREKO) bastamasyna qosyldy.
