Elordada Dúnıejúzilik júrek kúnine oraı tegin kardıologtar konsýltatsııalary uıymdastyrylady
ASTANA. QazAqparat - Elordada Dúnıejúzilik júrek kúni qarsańynda, 28 qyrkúıekte saǵat 14.00-den 17.00-ge deıin «Respýblıka dańǵyly, 45» mekenjaıy boıynsha ornalasqan «Mechta» saýda úıinde «Júrekti saqtańyz» aktsııasy ótedi.
Bul týraly elorda ákimdiginiń baspasóz qyzmeti habarlaıdy.
Shara barysynda astanalyqtar kardıolog dárigerden keńes ala alady. Sondaı-aq, mamandar qannyń quramyndaǵy holesterın men qant deńgeıin anyqtaıdy, qan qysymyn ólsheıdi.
Konsýltatsııa berý men dıagnostıka jasaý tegin bolady.
Aıta keteıik, Dúnıejúzilik júrek kúni 29 qyrkúıekte atalyp ótiledi.
