Elordada Dúnıejúzilik JITS-ke qarsy kúres kúnine oraı birqatar is-shara ótedi
NUR-SULTAN. QazAqparat - Elordada 15-25 qarasha aralyǵynda Dúnıejúzilik JITS-ke (SPID) qarsy kúres kúnderi jarııalandy. Bul kúnderi qalada qoǵam nazaryn aýdarýǵa baǵyttalǵan túrli aýqymdy is-sharalar ótedi, dep habarlaıdy qala ákimdiginiń resmı saıty.
«AITV: árbirin túsiný» taqyryby sheńberinde 10 kún ishinde qala turǵyndaryn AITV ınfektsııasyn juqtyrýdyń aldyn alý máseleleri boıynsha, ásirese jastar arasynda habardar etý jáne barlyq múddeli taraptardyń vedomstvoaralyq ózara is-qımylyn nyǵaıtý arqyly qaýipsizdikti qalyptastyrý, kemsitýshilikti joıý sııaqty is-sharalar ótkiziletin bolady:
- 17 qarashada onlaın formatta áleýmettik jelilerde jáne YouTube arnasynyń tikeleı efırinde Qazaq ulttyq óner ýnıversıtetiniń klassıkalyq kameralyq kontserti ótedi.
- 19 qarashada Nur-Sultan qalasynyń bilim basqarmasy kolledj stýdentteri men joǵary synyp oqýshylary arasynda AITV-ınfektsııasynyń aldyn alý boıynsha jastar forýmy ótedi.
- 24 qarashada medıtsına ýnıversıtetiniń stýdentteri arasynda pikirtalas ótedi.
Osy is-sharalarmen qatar, 15-25 qarasha aralyǵynda qalanyń iri joǵary oqý oryndarynda stýdentterdi AITV-ǵa jedel testileý boıynsha aktsııa uıymdastyrylady. 10 kún boıy kúndelikti JITS ortalyǵynyń Dostyq kabınetinde Ashyq esik kúnderi ótedi.
Sondaı-aq, áleýmettik jelilerde úkimettik emes uıymdar men medıtsına qyzmetkerleriniń qatysýymen qala turǵyndary úshin #Ýslyshat kajdogo#ÁrbirinTúsiný#toHearEveryone atty chellendj uıymdastyrylady.
Ortalyqta tirkelgen, AITV-men ómir súretin turmysy tómen otbasylarǵa azyq-túlik jıyntyǵy beriledi. Іs-sharalar sanıtarlyq-epıdemıologııalyq talaptardy saqtaı otyryp, Qoǵamdyq densaýlyq saqtaý basqarmasymen, Bilim basqarmasymen, Qazaq ulttyq óner ýnıversıtetimen jáne úkimettik emes uıymdarmen birlesip ótkiziledi.
Onyń qorytyndysy boıynsha 25 qarashada BAQ ókilderimen baspasóz konferentsııasy ótedi.
