Elordada dúkenge kelgen er adam sábıin joǵaltyp aldy
NUR-SULTAN. QazAqparat - Nur-Sultan qalasynda dúkenge kelgen er adam 2 jasar balasyn joǵaltyp aldy, dep habarlaıdy QazAqparat Polisia.kz saıtyna silteme jasap.
Málim bolǵandaı, er adam uıyqtap jatqan ulyn kólikte qaldyryp, ózi dúkenge shyǵyp ketken. Qaıtyp kelgende sábıin tappaı qalǵan. 10 mınýttaı ózi izdegen. Tappaǵannan keıin qalada qoǵamdyq tártipti qadaǵalap júrgen Ulttyq ulannyń áskerı qyzmetshileriniń kómegine júgingen.
«Áskerı narıad basshysy Nursultan Qurashov patrýlder Eraly Qosymbaı men Beıbarys Qaıyrlıevpen birlesip, balanyń joǵalý faktisi týraly áskerı narıadtar boıynsha kezekshige dereý habarlaǵan. Áskerıler kishkentaı Qaısardy izdeý jumysyna kiristi. Nátıjesinde 10 mınýttan keıin shaǵyn markettiń mańynan jalǵyz ózi jylap turǵan balany tapty», - delingen baspasóz habarlamasynda.
