Elordada Dostyq úıinde «Mámile» klýbynyń ashyq sabaǵy ótti

NUR-SULTAN. QazAqparat - Elordalyq Dostyq úıinde «Qazaqtaný» jobasy aıasynda ashylǵan Nur-Sultan qalasy Qazaqstan halqy Assambleıasy janyndaǵy «Mámile» pikirtalas klýbynyń kezekti otyrysy ótti, dep habarlaıjy QazAqparat «Qoǵamdyq kelisim» KMM baspasóz qyzmetine silteme jasap.

«Mámile» klýbynyń basty mindeti – elimizdegi etnostar arasynda qazaq halqynyń gýmanıtarlyq jáne adamgershilik qaǵıdattaryn qalyptastyrý, Qazaqstan halqynyń birligi men dostyq dástúrlerin urpaqtan urpaqqa berý men sabaqtastyq tetigin qurý bolyp tabylady.

Etnomádenı ortalyqtar ókilderi qatysqan is-shara «Qazaq halqy esimderi, jer-sý ataýlary jáne onyń tarıhy» degen ataýmen erkin formatta ótti. Moderator retinde qoǵam qaıratkeri Qadyrbaı Nurpeıisov sóı sóılese, Nur-Sultan qalasy QHA hatshylyǵynyń bas mamany Gúlnar Taıǵoqova jastarǵa oıyn aıtyp, aqyl-keńesimen bólisti.

Otyrysty Nur-Sultan qalasy ákimdiginiń «Rýhanııat» KMM ortalyǵynyń oqytýshysy Sánim Estemesova jalǵastyrdy. Ol qatysýshylarǵa aranaıy 45 mınýttyq ıntellektýaldyq sabaq ótkizdi. Sabaq bastalmas buryn sergitetin oıyn oınatyp, keıinnen túrli tapsyrmalardy berýge kóshti.

Etnos ókilderi qazaq tiline úırenýge degen qulshynystaryn odan ármen arttyryp, berilgen tapsyrmalardy buljytpaı oryndady. Arnaıy beınematerıaldardy arqaý etip uǵyný, kórý arqyly óz jeke kózqarastary men oı-tolǵamdaryn ortaǵa saldy jáne til úırendi.

Otyrys sońy ótkizilgen dáristerdi saraptaý jáne qorytyndylaýmen aıaqtaldy.