Elordada dostaryn kóliginiń júksalǵyshyna otyrǵyzyp qydyrtqan júrgizýshi ustaldy
NUR-SULTAN. QazAqparat – Nur-Sultanda eki dosyn júksalǵyshqa salyp qydyrtqan júrgizýshi ustaldy, dep habarlaıdy QazAqparat Polisia.kz portalyna silteme jasap.
Instagram áleýmettik jelisinde eki jigit tań samalymen Nur-Sultandaǵy Tilendıev kóshesinde kóliktiń júksalǵyshyna otyryp qydyrǵan vıdeo paıda boldy.
Oqıǵa 19 maýsym tańǵy 04:03-te bolǵan. «VAZ-2115» avtokóliginiń júrgizýshisi jol qozǵalysy erejesin buzyp, eki dosyn júksalǵyshqa otyrǵyzyp alǵan.
Kólik júrgizýshisi 28 jastaǵy elorda turǵyny bolyp shyqty.
Oǵan QR ÁQBK «Jol júrisi qaǵıdalarynda kózdelgen jolaýshylardy jáne júkterdi tasymaldaý, qaýipsizdik beldikterin nemese motoshlemderdi paıdalaný jónindegi talaptardy saqtamaý» babynyń birinshi tarmaǵy boıynsha ákimshilik hattama toltyryldy.
Basqa tártip buzýshylar da ákimshilik jaýapkershilikke tartyldy.
