Elordada «Donor kúni» qaıyrymdylyq aktsııasy ótti

NUR-SULTAN. QazAqparat - Elordalyq Qazaqstan halqy Assambleıasy Transfýzıologııa ǵylymı-óndiristik ortalyǵymen birlese otyryp «Donor kúni» qaıyrymdylyq aktsııasyn uıymdastyrdy. Bul jóninde Nur-Sultan qalasy ákimdiginiń janyndaǵy «Qoǵamdyq kelisim» KMM baspasóz qyzmeti habarlady.

Aktsııanyń basty maqsaty – donorlyqty dáripteý, qan men onyń komponentteriniń sanyn arttyrý, qaıyrymdylyqqa atsalysý.

Kúnniń qolaısyzdyǵyna qaramastanıkórsetilgen ýaqyttan bastap elordalyq etnomádenı ortalyqtar ókilderi, qala turǵyndary kele bastady. Olar ortalyq daıyndaǵan barlyq talaptardy oryndap, qan tapsyrdy.

«Qan ortalyǵynan qurylǵan arnaıy top, apta saıyn túrli mekemelerge baryp, donorlardy qabyldaıdy. Aptasyna shamamen 70 lıtrdeı qan jınaqtalady. Eń belsendi qatysýshylarǵa «Jas donor», «Densaýlyq saqtaý úlesine qosqan Eńbegi úshin» medaldary men Alǵys hattar beriledi», - dep atap ótti Transfýzıologııa ǵylymı-óndiristik ortalyǵynyń terapevt-dárigeri Áıgerim Saǵynbaeva.

«Dostyq úıinde qan tapsyrý úshin óte qolaıly jáne yńǵaıly jaǵdaı uıymdastyrylǵan. Men 2008 jyldan bastap donor atanyp, búgin 18 ret qan tapsyrýdamyn. Bul aktsııa jóninde 2 kún buryn bilgennen keıin, maı, ótkir jáne ystalǵan taǵamdy paıdalanbadym. Dárigermen keńes júrgizildi, dene temperatýram, qan qysymym ólshendi», - deıdi ózbek etnomádenı ortalyǵynyń múshesi Gýlamjan Jýmanov.

Belgilengen ýaqytqa deıin shamamen 40 adam kelip, 25 adam donor atandy.

Aıta keteıik, atalmysh qaıyrymdylyq aktsııasy - Nur-Sultan qalasy Qazaqstan halqy Assambleıasynyń «Eriktiler jylyndaǵy» alǵashqy is-sharasy.