Elordada dinı ekstremızmdi nasıhattaýǵa qarsy áreketter talqylandy
ASTANA. QazAqparat - Elordada Qazaqstan Respýblıkasy Lańkestikke qarsy ortalyǵynyń kezekti otyrysy ótti, dep habarlady QR UQK baspasóz qyzmetinen.
Jıynǵa QR Prezıdentiniń kómekshisi - Qaýipsizdik Keńesiniń Hatshysy Qaırat Qojamjarov pen 32 memlekettik organnyń basshylary qatysty.
«Otyrysta ınternet-keńistikte lańkestik pen dinı ekstremızmdi nasıhattaýǵa qarsy áreket etý, sondaı-aq lańkestikke qarsy bólimshelerdiń tehnıkalyq jaǵdaıy týraly máseleler qaraldy. QR LQO basshysy - UQK Tóraǵasy Nurtaı Ábiqaev ortalyq quramyna kiretin barlyq mınıstrlikter men vedomstvolardyń memlekettiń lańkestikke qarsy saıasatyn iske asyrýda birlesip júıeli jumys isteýi qajettiligin atap ótti. Otyrystyń qorytyndysy boıynsha tıisti sheshimder qabyldandy»,- delingen habarlamada.
