Elordada dinder sezine oraı birqatar mádenı shara ótedi
Elordada ótetin Álemdik jáne dástúrli dinder kóshbasshylarynyń VII sezine oraı mádenı sharalar ótedi.
12-16 qyrkúıek kúnderi elordada «Uly dala sazy» atty etnofestıval ótedi. Ony «Báıterek» monýmenti janynda boı kótergen etnoaýylda tamashalaýǵa bolady.
Bes kún boıy ótetin festıval saǵat 10:00-den 19:00-ge deıin jalǵasady. Sharaǵa kelýshiler kıiz úılerge kirip, kóshpendi halyqtyń mádenıetimen jáne turmysymen tanysa alady. Festıvaldiń kontserttik bólimi kún saıyn 18:00-de bastalyp, 20:00-ge deıin jalǵasady.
12-16 qyrkúıek aralyǵynda «Beıbitshilik jáne kelisim» saraıynda kórkemóner kórmeleriniń toptamasy usynylady.
Sonymen qatar Álemdik dinder kóshbasshylary seziniń qorytyndysy boıynsha beıbitshilik, kelisim jáne ózara túsinistik tilekteri degen ataýmen art-ınstallıatsııa ornatylady.
13 qyrkúıekte «Astana Opera» teatrynda «Birlik alýantúrlilikte» atty kontsert ótedi. Mádenı shara álemdik jáne dástúrli dinder kóshbasshylary sezine qatysýshylardyń qurmetine uıymdastyrylyp otyr. Sahnada elimizge eńbegi sińgen ártister, «Astana sazy» folklorlyq ansambli, dombyrashylar toby jáne «Astana Balet» teatrynyń ártisteri óner kórsetedi.
14 qyrkúıek kúni «Naz» memlekettik bı teatry «Jastar» teatrynda «Qazaq jádigeri» atty kontsert usynady.
15 qyrkúıek kúni Á. Mámbetov atyndaǵy memlekettik drama jáne komedııa teatrynda «Jas Abaı» spektaklin kórýge bolady.
16 qyrkúıekte Astanalyq tsırk óz baǵdarlamasyn usynady. Onda «Barys» jylqylar akrobatıkalyq ansambli, Duo Love story gımnastary, akrobattar, ekvılıbrıster, úıretilgen ıt kloýndar jáne balet ártisteri óner kórsetedi.
Osy kúni keshki saǵat 19:00-da E. Rahmadıev atyndaǵy memlekettik akademııalyq fılarmonııada Kúlásh Baıseıitovaǵa arnalǵan «Bulbul» atty kontsert ótedi.
16-17 qyrkúıek kúnderi «Astana Opera» teatrynda Borıs Asafevtiń «Bahchısaraıskıı fontan» atty dramalyq baleti sahnalanady.
17 qyrkúıek kúni «Qazaqkontsert» zalynda «Hans Tsımmer» atty kontsert josparlanyp otyr.
