Elordada «Din jáne áıel» taqyrybynda forým ótedi
ASTANA. 21 qarasha. QazAqparat - Erteń, 22 qarashada Astana qalasynda Qazaqstan Respýblıkasy Din isteri agenttigi, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa, QR Bilim jáne ǵylym mınıstrligi L.N.Gýmılev atyndaǵy Eýrazııa Ulttyq ýnıversıteti birlese «Din jáne áıel» taqyrybynda forým ótkizedi.
«Forýmnyń maqsaty - «Din jáne áıel» taqyrybyn jalpyhalyqtyq deńgeıde talqylaý úshin pikirtalas alańyn uıymdastyrý, jastardyń din negizderi týraly durys maǵlumat alýyna jáne zaıyrly qoǵamnyń dástúrleri men mádenı normalaryna sáıkes keletin dinı sana qalyptastyrýǵa yqpal etý»,-delingen QR Din isteri agenttiginiń baspasóz ortalyǵynyń málimetinde. Forýmǵa Qazaqstan Respýblıkasy Din isteri agenttiginiń, Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasynyń, Qazaqstan Respýblıkasy Bilim jáne ǵylym mınıstrliginiń ókilderi, memlekettik qyzmetkerler, JOO stýdentteri, oqytýshy-ǵalymdar, mádenıet, din jáne qoǵam qaıratkerleri men BAQ ókilderi qatysady.
