Elordada Dımash Qudaıbergenniń jeke kontserti ótip jatyr

NUR-SULTAN. QazAqparat- «Astana Arena» stadıonynda Dımash Qudaıbergenniń «Arnaý» atty shoý-kontserti bastaldy, dep habarlaıdy QazAqparat tilshisi.

Ánshi kesh shymyldyǵyn «Golden Intro» ánimen ashty. Artynsha «Aqqýym» ánin oryndady.

Eske salsaq, buǵan deıin D. Qudaıbergenniń «Arnaý» atty jeke kontserti 29 maýsym kúni elordada ótetini jáne Dımashtyń kontsertine uzyn-sonar kezek paıda bolǵany týraly habarlaǵan bolatynbyz.

Al telekórermender úshin 6 shilde kúni «Astana kúni» merekesine oraı «Qazaqstan» ulttyq arnasynan kórsetiledi. Kontsert uıymdastyrýshylarynyń aıtýynsha, kesh bıletterin álemniń 64 elinen 10 myńǵa jýyq tyńdarman satyp alǵan. Onyń ishinde AQSh, Ulybrıtanııa, Brazılııa, Meksıka, Kanada, Avstralııa, Shveıtsarııa, Malaızııa, Sıngapýr, Afrıka, Egıpet, Izraıl jáne Marokko syndy alys memleketterdiń tyńdarmandary bar. Polshadan 20-ǵa jýyq adam kelgen.

Sondaı-aq, Dımash Qudaıbergenniń kontsertine baılanysty elordada joldar jabylady.