Elordada Digital Bridge halyqaralyq tehnologııalyq forýmy ótedi
Bıylǵy forýmnyń taqyryby - Digital Era Lifestyle. QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Tsıfrlandyrý, ınnovatsııa jáne ǵylym arqyly tehnologııalyq serpilis» ulttyq jobasyn usynady. Forýmnyń iskerlik baǵdarlamasy 20 paneldik sessııadan turady, onda 70 -ten astam spıker - halyqaralyq jáne qazaqstandyq IT -qaýymdastyqtardyń ókilderi sóz sóıleıdi.
Elimizde úshinshi ret ótkeli jatqan Digital Bridge alańynda ádettegideı Astana Hub Battle jarysynda tehnologııalyq startaptar baq synasyp, eń myqty ІT-kompanııalar Astana Hub Awards premııasy aıasynda marapattalady.
Bıyl pandemııa talaptaryna oraı is-sharalar gıbrıtti formatta ótedi – birqatar resmı sharalar offlaın ótse, forýmnyń negizgi bóligi onlaın nusqada kórsetilip, kez-kelgen adam qatysa alady.
Forým barysynda Tech Orda baǵdarlamasy aıasynda baıqaýdan ótken stýdenterge baǵdarlamalaý mektepterinde tegin oqý úshin ІT-vaýcherler, al Seed Money baǵdarlamasy aıasynda myqty dep tanylǵan startaptarǵa qarjyldandyrý sertıfıkattary saltanatty túrde tabys etiledi.
Bıylǵy jyldyń basty taqyryptary - no-code quraldarynyń kómegimen keremet sheshimderdi jyldam qabyldaý, ІT-ónimdi shetelge shyǵarý tájirıbesi, ІT salasyndaǵy onlaın-bilim, ІT-daǵy áıelder, GameDev ındýstrııasyn damytý jáne t.b.
2018 jyldan beri ІT saladaǵy jańashyldyqtar jáne ıdeıalarmen bólisý alańyna aınalǵan Digital Bridge úshinshi ret tehnologııalyq kásipkerler men venchýrlyq ınvestorlardyń, bıznes-perishteler men memlekettik qaıratkerlerdiń, ІT-mamandar, blogerler men BAQ-tyń basyn qosady.
Forým alańynda Qazaqstannyń tsıfrlyq ekojúıesine qatysýshylar men sheteldik sarapshylar eldegi tsıfrlandyrý úrdisin taldap, tsıfrlyq tehnologııalar men ınnovatsııalardy damytý boıynsha jańa ıdeıalar men bastamalar usynady. 2018-2019 jyldary forýmǵa 30 elden 280 ІT-kompanııa, 127 spıker, 50 venchýrlyq ınvestor qatysty. Aldyǵy forýmdardyń nátıjesinde ІT-startaptar 1,2 mlrd teńgege ınvestıtsııa tartty.
Forýmǵa https://digitalbridge.kz/ saıtynda tirkeýden ótken kez-kelgen adam qatysa alady. BAQ akkredıtatsııasy da osy saıtta ótedi.
