Elordada dezınsektsııalyq jumystardyń taǵy bir kezeńi aıaqtaldy
ASTANA. QazAqparat - Elordada dezınsektsııalyq jumystardyń kezekti kezeńi aıaqtaldy, dep habarlady astana.kz.
Astana qalasy Tutynýshylardyń quqyqtaryn qorǵaý departamentiniń qyzmetkerleri bir aıda jalpy aýmaǵy 721,8 ga jerdi, onyń ishinde, 4 qalalyq saıabaq jáne Esil ózeniniń jaǵalaýy, 14 qonaq úı kesheni men adamdar kóp júretin 19 aýmaqty óńdedi. Departamenttiń habarlaýynsha, dezınsektsııalyq jumystardy sáýir-qyrkúıek aılarynda júrgizgen tıimdi. Elorda turǵyndary men qonaqtaryna yńǵaısyzdyqtar týdyrmaý úshin óńdeý jumystary túngi ýaqytta ótkiziledi. Aldymen masasy kóp jerler anyqtalyp, óńdeledi. Sonymen qatar, turǵyn úı sektorlarynda dezınsektsııa jumystary qolǵa alyndy.
