Elordada dezınfektsııalyq jumystar júrgizilip jatyr
NUR-SULTAN. QazAqparat - Elordada dezınfektsııalyq jumystar jalǵasýda, dep habarlaıdy QazAqparat qala ákimdigine silteme jasap.
Adam kóp jınalatyn oryndarǵa: saıabaqtardy, tynymbaqtardy, býlvarlardy jáne t.b. dezınfektsııalaýǵa erekshe kóńil bólinedi. Dezınfektsııalaý jumystary jaıaý tártipte de, arnaıy mashınalardyń kómegimen de júrgizilip jatyr. Sondaı-aq saýda oıyn saýyq ortalyqtarynyń, saýda úıleriniń, bazarlardyń basshylary sanıtarlyq dárigerdiń qaýlysyna sáıkes óz aýmaǵynda dezınfektsııa júrgizýi tıis. Qalada barlyǵy 20 mıllıon sharshy metrden astam aýmaq dezınfektsııalandy.
Esterińizge sala keteıik, 5 shildeden bastap memlekettik komıssııanyń sheshimimen epıdemııalyq ahýaldy turaqtandyrý úshin eki aptaǵa shekteý sharalary engizildi. Qala turǵyndary sanıtarlyq normalardy qatań saqtaý kerek. Maska taǵyp, antıseptıkter qoldanyp, áleýmettik qashyqtyqty saqtaǵan jón.
