Elordada destrýktıvti dinı aǵym ókilderi ustaldy

NUR-SULTAN. QazAqparat - QR Ulttyq qaýipsizdik komıtetiniń qyzmetkerleri Nur-Sultan qalasynda sotqa deıingi tergeý sheńberinde destrýktıvti dinı aǵym ustanýshylar tobyn quryqtady, dep habarlaıdy QazAqparat.

Olar Qazaqstan aýmaǵynda sot sheshimimen tyıym salynǵan dinı uıymǵa qatysty jáne ekstremıstik áreket uıymdastyrý úshin adamdardy tartty dep kúdiktelýde.

Ustalǵandardyń ekeýiniń jarylǵysh zattardy zańsyz saqtaǵany jáne urlyq úshin sottalǵandyǵy bar.

Turǵylyqty jerleri boıynsha tintý júrgizý kezinde ekstremıstik mazmundaǵy ádebıet jáne basqa da zattaı dáleldemeler alyndy.

Tergeý is-qımyldary jalǵasýda.