Elordada «Dermatokosmetologııa jáne dermatovenerologııanyń jastyq aspektileri» ІІІ ǵylymı-praktıkalyq konferentsııa ótip jatyr
ASTANA. 2 maýsym. QazAqparat - «Salamatty Qazaqstan» memlekettik baǵdarlamasyn júzege asyrý aıasynda
QR Densaýlyq saqtaý mınıstrligi 2-3 maýsymda Astanada («Dýman» qonaq úı kesheni) álemniń 12 eliniń úzdik mamandarynyń qatysýmen Dermatologtar, kosmetologtar jáne estetıkalyq medıtsına mamandarynyń ІІ Eýrazııalyq kongresi jáne «Dermatokosmetologııa jáne dermatovenerologııanyń jastyq aspektileri» ІІІ ǵylymı-praktıkalyq konferentsııasyn uıymdastyrýda.
QR Densaýlyq saqtaý mınıstrliginiń baspasóz qyzmetiniń habarlaýynsha, konferentsııaǵa Izraıl dermatohırýrgııa qoǵamynyń prezıdenti Tz. Shelkovitz (MD); halyqaralyq jattyqtyrýshy-medıtsınalyq etıka jáne mezoterapııa ızraıldyq qoǵmynyń konsýltanty S. Korman (MD); Slovakııa estetıkalyq medıtsına qoǵamynyń prezıdenti H. Zelenkova (PhD, Germanııa); teri jáne dermatokosmetologııa ortalyǵynyń ókili S. Sharma (PhD, Úndistan); lepronaýqastarǵa kómek nemis uıymynyń múshesi R. Drabık; RF medıtsınalyq-tehnıkalyq akademııasynyń akademıgi S. Shepovalenko; Grýzııa dermatologııa jáne venerologııa ǵylymı-zertteý ınstıtýtyyń ǵylymı jáne oqý bólimi boıynsha dırektory T. Kıtýashvılı, VmedA S-Peterbýrg teri jáne venerııalyq aýrýlar kafedrasynyń meńgerýshisi professor A.V. Samtsova; professor, Leprany zerdeleý jónindegi ǴZI dırektory V.V. Dýıko jáne basqa da qonaqtar qatysty.
Konferentsııalar respýblıka halqyna dermatologııalyq kómektiń sapasyn arttyrý maqsatynda ótkizildi. Jıyn sheńberinde sheberlik-synyptary, taqyryptyq satellıttik sımpozıýmdar uıymdastyryldy. Qazaqstannyń dermatovenerologııa, dermatokosmetologııa, allergologııa, ýrologııa praktıkalyq dárigerleri, akýsher-gınekologtar, pedıatrlar, jaqyn jáne alys shetelder úzdik klınıkalardyń jumys tájirıbesimen, dermatovenerologııalyq jáne kosmetologııalyq beıin patsıentterin, terisiniń estetıkalyq kemshiligi bar patsıentterdi emdeý jáne ońaltýdyń ınnovatsııalyq ádistemelerimen tanysty.
Jıyn aıasynda «Qazaqstan Respýblıkasynda dermatovenerologııalyq jáne kosmetologııalyq qyzmetti jetildirý taqyrybynda dóńgelek ústel ótkizildi.
Atalǵan is-sharalardyń ózektiligi dermatovenerologııalyq aýrýlardyń taralýshylyǵymen, olardyń sozylmaly aǵymymen, keıbir jaǵdaıda múgedektikke ákeletin jaǵdaılarymen (psorıaz, melanoma, lepra, merez), ınnovatsııalyq, joǵary tehnologııalyq emdeý ádisterimen, qoldanylatyn túzetý ádistemelerdiń qajettiligimen jáne kúrdeliligimen túsindiriledi.
