Elordada densaýlyq saqtaý salasynda 30 mlrd teńgege jýyq qyzmet kórsetildi
ASTANA. QazAqparat - 2015 jyldyń birinshi toqsanynda Astana qalasy boıynsha densaýlyq saqtaý jáne áleýmettik qyzmet kórsetý uıymdarynyń negizgi qyzmet túri boıynsha kórsetilgen qyzmet kólemi 29 232 886,0 myń teńgeni qurady, onyń 72,9%-y bıýdjet qarajaty esebinen, 13,9%-y halyqtan túsken qarajat esebinen, 13,2%-y kásiporyndardyń qarajaty esebinen oryndaldy.
Astana qalasy Statıstıka basqarmasynyń habarlaýynsha, Densaýlyq saqtaý salasynda 28 693 803,0 myń teńgege (98,2%) qyzmet kórsetildi, al eń úlken kólemi (51,6%) aýrýhanalyq uıymdardyń qyzmeti esebinen qalyptasty, olar 14 803 030,0 myń teńgeni quraǵan. Jalpy dárigerlik tájirıbemen aınalysatyn uıymdar - 5 609 662,0 myń teńge (19,6%), mamandandyrylǵan dárigerlik tájirıbemen aınalysatyn uıymdar - 2 669 121,0 myń teńge (9,3%), stomatologııa salasynda qyzmet kórsetetin uıymdar 666 536,0 myń teńge (2,3%), adam densaýlyǵyn qorǵaý jónindegi basqa da qyzmetti júrgizetin uıymdar 4 945 454,0 myń teńge (17,2%) somasynda qyzmet kórsetti, dep habarlaıdy astana.kz.
