Elordada Densaýlyq saqtaý mınıstrligi men qoǵamdyq uıymdar Qazaqstanda hospıs mekemelerin ashý máselesin talqyǵa saldy

 dep habarlaıdy QazAqparat.

Qazirgi kezde aýyr syrqatty adamdarǵa arnalǵan qamqorlyq úıleri elimizdiń Almaty, Pavlodar, Óskemen, Qaraǵandy, Qostanaı, Semeı qalalarynda bar.

Bul oryndarda  onkologııalyq aýrýlarǵa jáne sozylmaly ınfektsııalyq dertke shaldyqqan syrqattar  emdelýde.

Sóz joq, osyndaı aýyr syrqatty adamdarǵa arnalǵan qamqorlyq úıleriniń sanyn arttyrý asa qajet. Biraq hospıstik, poleatıvti qyzmet jóninde bizdiń elimizde túrli túsinikter qalyptasqandyqtan, oǵan tutas medıtsınanyń bir salasy retinde jetkilikti túrde kóńil bólinbeı keledi. Búgingi otyrys qazaqstanda hospısterdi ashý jáne onyń qarjylandyrylýyn jolǵa qoıý, zańdyq negizdemesin jasaý máselelerin qarastyramyz», deıdi «Ardager» qoǵamdyq uıymnyń prezıdenti Baıan Ahmetjanova.

Onyń aıtýynsha, otandyq hospıs oryndarynyń qarjylandyrylýynyń 80 paıyzy memleket úlesinde. Tek 20 paıyzy ǵana kásipkerler men qoǵamdyq uıymdardyń qaıyrymdylyǵynan túsedi.   

Elordadaǵy «Redısson» qonaqúıinde ótken «Qazaqstandaǵy hospısteri: problemalar men ony sheshýdiń joldary» atty dóńgelek ústel otyrysyna QR Parlamenti Májilisiniń depýtattary, óńirlerdegi barlyq hospısterdiń basshylary men osy saladaǵy shet el mamandary da qatysýda.