Elordada denesiniń 50% kúıik shalǵan balaǵa biregeı ota jasaldy

NUR-SULTAN. QazAqparat - Elordada №2 Kópbeıindi qalalyq balalar aýrýhanasynyń kombýstıolog-mamandary denesiniń 50% kúıik shalǵan 4 jasar balaǵa biregeı ota jasady, dep habarlaıdy QazAqparat.

Bala qatty kúıgen, keıinnen bastyń qozǵalysyn shekteıtin tereń tyrtyq qalǵan, sondaı-aq moıynnyń, deneniń, eki qoldyń gıpertrofııalyq tyrtyqtary, 3-dárejeli moıyn kontraktýrasy, 2-dárejeli ıyq býyndarynyń kontraktýrasy bar.

№2 Kópsalaly qalalyq balalar aýrýhanasynyń kombýstıologııa bólimshesiniń meńgerýshisi Baqythan Saǵıdoldanyń aıtýynsha, balada bet deformatsııasy da bar, tereń tyrtyqtyń konglomeratyna baılanysty moıny qatyp qalǵan, ıyq býyndary 90 gradýsqa burylady.

Kombýstıolog-mamandardyń biregeı otasy sátti ótti.

«Otadan keıingi kezeńde patsıentte oryn aýystyrylǵan qaqpaqshalardyń tolyq kirikkeni baıqalady, basyndaǵy alǵashqy kúı túzeldi, otadan keıingi jaralar jazyla bastady. Qoldanylǵan emdeý ádisi otanyń birinshi kezeńinen keıin jaqsy fýnktsıonaldy nátıjege qol jetkizýge múmkindik berdi. Keıinnen kosmetıkalyq aqaýlardy túzetý úshin hırýrgııalyq ota jasalady. Naýqastyń anasy balasyn shilde aıynda bizge taǵy alyp keledi jáne emdeýdi jalǵastyrady dep úmittenemiz», - dedi dáriger.