Elordada Dene shynyqtyrý jáne qalpyna keltirý dıspanseri ashylady
NUR-SULTAN. QazAqparat - Nur-Sultan qalasy sportshylary úshin jeke Dene shynyqtyrý jáne qalpyna keltirý dıspanseri ashylady, dep habarlaıdy QazAqparat qala ákimdiginiń resmı saıtyna silteme jasap.
Elorda sportshylaryna fızıkalyq dıspanser qyzmetin 2014 jyldan bastap Nur-Sultan qalasy ákimdiginiń №5 qalalyq emhana júzege asyrady.
Sportshylarǵa mamandardyń tereńdetilgen tekserýleri, zerthanalyq tekserýler basqa da patsıenttermen jalpy kezekte júrgiziledi. Bul óz kezeginde sportshylarǵa qolaısyzdyqtar týǵyzyp jáne olardyń daıyndyǵy men saýyqtyrý protsesiniń sapasyna áser etedi.
Osyǵan baılanysty sportyshlar elorda ákimi Altaı Kólginovpen kezdesýde jeke medıtsınalyq mekeme bólýdi surady. Usynys qoldaý tapty.
Atalǵan dıspanser sportshylarǵa tereńdetilgen medıtsınalyq tekserýler júrgizip, ońaltý jáne densaýlyqtaryn qalpyna keltirýge múmkindik beredi. Sondaı-aq olardyń jaraqattanýy, emdelýin jáne qalpyna kelýin eskere otyryp, ýaqyty tekserýdi, densaýlyqtaryn baqylaýda ustaýdy qamtamasyz etý úshin bilikti sport dárigerlerin de tartý qolǵa alynady dep josparlanýda.
Ortalyq sporttyq dárigerlermen qatar psıhologtar, massajıster jáne sportshylardyń tamaqtanýyn qadaǵalaıtyn arnaıy mamandarmen de qamtamasyz etiledi.
