Elordada demalys kúni qoǵamdyq kólik júrmeıdi
NUR-SULTAN. QazAqparat - Jeksenbi, 25 qazan kúni elordada qoǵamdyq kólikter qatynamaıdy, dep habarlaıdy QazAqparat tilshisi.
CTS kompanııasynyń málimetinshe, ol kúni avtobýstar men avtoparkterde dezınfektsııalyq jumystar júrgiziledi. Basqa kúnderi qoǵamdyq kólik qalypty rejımde jumys isteıdi.
Dúısenbi, 26 qazanda avtobýstar qaıtadan qatynaıdy.
«Qala turǵyndaryn sanıtarlyq normalardy saqtaýǵa shaqyramyz. Avtobýstarǵa betperdesiz kirýge tyıym salynady. Jol aqysy tek qolma-qol aqshasyz tólenedi», - delingen kompanııanyń baspasóz qyzmeti taratqan aqparatta.
Aıta keteıik, Nur-Sultan qalasynyń bas memlekettik sanıtar dárigeri J. Pirálıevanyń 16 qazandaǵy jańa qaýlysyna sáıkes, elordada shekteý jáne karantın sharalary qatańdatyldy.
Onyń ishinde qalalyq qoǵamdyq kóliktiń jumys kestesi jumys kúnderi jáne senbide saǵat 6:00-den 23:00-ge deıin bekitildi.
Bul rette, qarbalas saǵattarda avtobýstar sany ulǵaıtylady, sońǵy aıaldamada dezınfektsııalaý quraldarymen óńdeledi, kirip-shyǵý úshin barlyq esikter ashylatyn bolady, jolaýshylarǵa qoljetimdi oryndarda sanıtaızerler ornatylady. Jolaýshylar áleýmettik qashyqtyqty saqtaýy tıis. Jolaýshylar men júrgizýshilerge betperde kııý - mindetti.
Je ksenbi kúnderi avtobýs jumysyna tyıym salynady.
