Elordada demalys kúnderi jármeńke ótedi
Demalys kúngi jármeńkeler elorda turǵyndary arasynda úlken suranysqa ıe. Sebebi munda birinshi qajettiliktegi azyq-túlikti naryqtan tómen baǵamen satyp alýǵa bolady.
Esil aýdanynda Saýran kóshesi 7-úıdiń janynda 17 sáýirden bastap demalys kúngi jármeńke ótkizý qolǵa alyndy.
15 mamyrdan bastap Saryarqa aýdanynda Qosshyǵululy kóshesi 14-úıdiń janynda osyndaı jármeńke ótkiziledi.
Aýyl sharýashylyǵy jármeńkeleri áleýmettik mańyzy bar azyq-túlik taýarlarynyń baǵasyn ustap turý, turǵyndar úshin azyq-túlik ónimine qoljetimdilikti qamtamasyz etý jáne básekelestik ortany qurý maqsatynda ótkiziledi.
Jármeńkege Aqmola, Qaraǵandy oblystarynyń elordaǵa jaqyn aýdandarynan shyqqan otandyq taýar óndirýshiler, sharýa jáne fermerlik qojalyqtar, sondaı-aq, qalanyń jeke kásipkerleri qatysady.
Aldaǵy jármeńkege Aqmola oblysynan «Mákenova» JK, «Kýlkatovo» JK, Qaraǵandy oblysynan «Ashat» et sharýa qojalyǵy, Petropavldan «Panchenko» JK kondıterlik ónimderi, «Roza» JK shujyq ónimderi ákelinedi.
