Elordada demalys kúnderi Jambyl oblysynyń aýylsharýashylyq jármeńkesi ótedi

NUR-SULTAN. QazAqparat - Nur-Sultan qalasynda 3-4 qyrkúıekte ótetin aýylsharýashylyq jármeńkesinde Jambyl oblysynyń ónimderi usynylady, dep habarlaıdy QazAqparat elorda ákimdiginiń resmı saıtyna silteme jasap.

Jambyl oblysynyń 100-ge jýyq kásipkeri elordaǵa 495,8 tonna ónim ákelmek. Olar – 47 tonna et (jylqy, sıyr, qoı eti), 15 tonna taýyq eti, 14 tonna shujyq ónimderi, 38,8 tonna sút ónimderi, 6 myń dana jumyrtqa, 10 tonna kondıterlik ónim, 13,4 tonna makaron ónimderi, 10 tonna balyq, 6 tonna bal, 5,5 tonna maqsary maıy, 336,1 tonnadan astam kókónis, baqsha daqyldary men jemis-jıdek ónimderi. Sonymen qatar 10 tonna qant jetkizilip, kelisi 480 teńgeden usynylady.

«Jármeńke oblystyń aýylsharýashylyq taýar óndirýshilerine óz ónimderin deldalsyz tikeleı ótkizýge múmkindik beredi. Nátıjesinde aýyl sharýashylyǵy ónimderiniń baǵasy naryqtaǵydan 10-20 paıyzǵa tómen bolady», - delingen ákimdik habarlamasynda.

Aıta keteıik, jármeńkeler 13 qarashaǵa deıin ár senbi jáne jeksenbi kúnderi uıymdastyrylady. Ótetin orny: «Astana-Arena» stadıonynyń janyndaǵy alań, Turan dańǵyly, 48.

Al 10-11 qyrkúıek kúnderi ótetin jármeńkede Qyzylorda oblysynyń kásipkerleri óz ónimderin usynady.

27-30 tamyz aralyǵynda Túrkistan oblysynyń jármeńkesi uıymdastyrylǵan bolatyn.