Elordada demalys kúnderi Túrkistan oblysynyń jármeńkesi ótedi
ASTANA. QazAqparat - Elordada demalys kúnderi Túrkistan oblysynyń jármeńkesi ótedi. Aımaq óndirýshileri jármeńkege 101 mln teńge somasynda 411 tonna aýylsharýashylyǵy ónimderin ákeledi, dep habarlaıdy elorda ákimdiginiń resmı saıty.
Jármeńkede ońtústik óńirdiń 200 tonnadan astam kókónisi men jemisi usynylady jáne de astana turǵyndarynyń suranysy boıynsha «Dámdi et» saýda belgisi bar «Ordabasy qus» JShS-niń shujyq jáne úndikten jasalǵan et ónimderin de ákeledi.
Sondaı-aq, sút ónimderi ulttyq taǵamnyń assortımenti usynylady.
Aıta keteıik, bıyl oblys astanaǵa 5 ret keldi jáne jalpy kólemi 14 myń tonnadan asatyn 26 ónimniń túrin usyndy.
Budan basqa, árbir senbi, jeksenbi kúnderi Saýran 7, Rysqulbekov 7 mekenjaıy boıynsha qalanyń 2 aýdanynda jaqyn mańdaǵy kásiporyndardyń qatysýymen jármeńke ótti. Ol jerdegi ónimderdi bazardaǵy baǵadan 10-15% tómen alýǵa bolady.
Taǵy bir eske salatyn jaıt, bıyl 100-den astam aýylsharýashylyǵy jármeńkesi uıymdastyryldy.
