Elordada demalys kúnderi qaıda barýǵa bolady
NUR-SULTAN. QazAqparat – 5, 6 jeltoqsan kúndergi demalystarda Nur-Sultan qalasynda teatr premeralary, qýyrshaqtar baleti jáne kórmeler ótedi. Qala ákimdiginen málim etkendeı, barlyq is-sharada sanıtarlyq talap qatań saqtalatyn bolady, dep habarlaıdy QazAqparat.
Atap aıtqanda, 5 jeltoqsan kúni saǵat 17:00-de Astana Opera-nyń kameralyq zalynda «Shelkovaıa lestnıtsa» bir aktili fars-operasy usynylady.
31 jeltoqsanǵa deıingi ár senbide (saǵat 10:00-17:00 aralyǵynda) Táýelsizdik saraıynda uly Abaıdyń 175 jyldyǵyna oraı jáne «Aqanaevtar áýletine» arnalǵan kórmeler, «Óner qarlyǵashtary» jáne «Álem bala kózimen»atty balalar ekspozıtsııalary jumys isteıdi. Sondaı-aq, osynda Qazaqstan Sýretshiler odaǵynyń múshesi, «Shabyt» halyqaralyq shyǵarmashyl jastar festıvaliniń dıplomanty, sýretshi Anar Áýbákirdiń «Tylsym» atty kórmesi usynylǵan. Budan basqa, Táýelsizdik saraıynyń qoryndaǵy «Nur-Sultan qalasyna syılyqtar» kórmesin tamashalaýǵa bolady. Onda elordaǵa saparmen kelgen resmı delegatsııalardyń kádesyılary qoıylǵan.
Sondaı-aq 1 jeltoqsan kúniTáýelsizdik saraıynda National Geographic halyqaralyq baspasynyń «Uly Dala Juregi» kórmesi ashyldy. Ol dúısenbiden senbige deıin, saǵat 10:00-17:00 aralyǵynda jumys isteıdi.
5 jeltoqsan kúni saǵat 12:00-de jáne 14:00-de ákimdikke qarasty qalalyq Qýyrshaq teatrynda jas kórermender «Meniń salǵan sýretim» baletin tamashalaı alady.
Jastar teatrynda 5 jeltoqsan kúni saǵat 19.00-de «Istorııa vozlıýblennyh« komedııasynyń premerasy ótedi.
5 jeltoqsan saǵat 11:00-de M. Gorkıı atyndaǵy orys drama teatrynda «Prıklıýchenııa Nastenkı« ertegisi qoıylady. Translıatsııa YouTube-te kórsetiledi.
5 jeltoqsan saǵat 18:00-de M. Gorkıı atyndaǵy orys drama teatrynda A.Ostrovskııdiń pesasy negizinde «Groza« spektakli ótedi.
