Elordada demalys kúnderi dámhanalar men meıramhanalar qalaı jumys isteıdi
NUR-SULTAN. QazAqparat - Elordanyń sanıtarlyq dárigeriniń karantındik sharalardy qatańdatý týraly qaýlysyna sáıkes qoǵamdyq tamaqtandyrý oryndary qysqartylǵan jumys rejımine kóshti, dep habarlaıdy QazAqparat Nur-Sultan ákimdiginiń resmı saıtyna silteme jasap.
Sonymen, senbi jáne jeksenbi kúnderi elordanyń qoǵamdyq tamaqtaný oryndary – kafeler, meıramhanalar, kofehanalar jumys istemeıdi. Bul rette tamaqty jetkizý jáne ózimen alyp ketý shtattyq rejımde júzege asyrylady.
Joǵaryda atalǵan qoǵamdyq tamaqtaný nysandaryna jumys kúnderi tańǵy saǵat 7-den 17.00-ge deıin jumys isteýine ruqsat etiledi, al «Ashyq» jobasyna qatysatyn mekemeler keshki saǵat 20.00-ge deıin jumys isteı alady.
Ashanalar úshin jumys jáne demalys kúnderi saǵat 07:00-den 21:00-ge deıingi jumys kestesi belgilengen.
Esterińizge sala keteıik, senbi jáne jeksenbi kúnderi elordalyq SOO jáne t.b. jumysyna tyıym salynǵan.
Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııa otyrysynyń 2021 jylǵy 14 shildedegi hattamasyna sáıkes Nur-Sultan qalasynda shekteý jáne karantın sharalaryn qatańdatý týraly qaýly qabyldandy.
