Elordada demalys kúnderi aýylsharýashylyq ónimderiniń jármeńkesi ótedi
NUR-SULTAN. QazAqparat - 7, 8 naýryz kúnderi «Aspan bazar» saýda úıinde óńirlik aýylsharýashylyq ónimderiniń jármeńkeleri ótedi, dep habarlaıdy elorda ákimdiginiń baspasóz qyzmeti.
Jármeńkede taýarlar respýblıkanyń Qaraǵandy, Aqmola jáne Pavlodar oblystarynyń óndirýshileriniń baǵalary boıynsha usynylady.
Atap aıtsaq, kartop, pııaz, sábizdi - 85 teńgege, qyryqqabatty - 100 teńgege, sıyr etin - 1700-1800 teńgege satyp alýǵa múmkindik bar.
Jármeńke naýryz-sáýir aılarynyń sońyna deıin aptanyń ár senbi, jeksenbi kúnderi ótedi. Qosymsha aqparatty kelesi telefondar arqyly alýǵa bolady: 556978, 556899.
