Elordada demalys kúndergi jármeńkeler qarasha aıyna deıin jalǵasady
NUR-SULTAN. QazAqparat – Nur-Sultan qalasynda demalys kúnderi ótetin jármeńkeler qarasha aıyna deıin jalǵasady, dep habarlaıdy QazAqparat.
Bıylǵy aýylsharýashylyq jármeńkeleriniń eń alǵashqysy ótken demalys kúni Saryarqa aýdanynda ótti. Qosshyǵululy, 14 mekenjaıynda jurtshylyq azyq-túlik ónimderin naryq qunynan tómen baǵamen satyp ala aldy. Jármeńke ár senbi jáne jeksenbi saıyn qarasha aıyna deıin ótedi.
«Osy demalys kúnderi Saryarqa aýdanynda kezekti aýylsharýashylyq jármeńkesi bastaldy. Munda taýar óndirýshiler óz ónimderin alypsatar deldaldarsyz sata alady. Sol sebepti azyq-túlik baǵasy arzan kúıde saýdalanady. Qala turǵyndaryna qajetti azyq-túlik ónimderiniń bári usynylǵan: et, sút ónimderi, kókónis, maı, jarma, bal sekildi túrli ónimder bar», - dedi jármeńke uıymdastyrýshysy Aıtýǵan Kúzerbaev.
Jármeńkege Aqmola, Shyǵys Qazaqstan, Jambyl oblystarynyń aýylsharýashylyq taýar óndirýshileri jáne Nur-Sultan qalasynyń kásipkerleri qatysýda. Barlyq ónimniń sapa sertıfıkaty bar.
